CAROLUS III Grossus vel Crassus VII

CAROLUS III. Grossus vel Crassus VII

Romanorum Imperator, Ludovici II. Germanorum Regis fil. tertius Lotharingiae, Alemaniaeque Rex, A. C. 881. prius Carolo Simplici, adhuc minorenni, post Carolomanni mortem, Galliam administraverat. Longobardorum regnô occupatô, Imperator coronatus est, a Iohan. IX. qui quod Balbum prius vocaret ad Imperium, a Romams in catcerem coniectus fuerat. Fratrum ditiones, iis mortuis, adiit. Cum Normannis, traditâ Godofredo Duci Frisiâ, ac in uxorem Giselâ filiâ Lotharii elocatâ transegit. Post tamen, cum Hugonem Lotharii nothum ad occupandam Galliam armaret, eum trucidari, Hugoni oculos erui curavit. Hinc animô et corpore aeger, divortiô cum Richarde coniuge factô, Germanorum iras incurrens, Arnolpho nepoti Imperiô cedere coactus, Obiit A. C. 888. in obscuro Sueviae pago, in summa paupertate. Sepultus in Abbatia de Richenow, in Insul. Lacus Constantiensis. Aimoin. l. 5. c. 40. P. Aemil. l. 3. Rhegino l. 2. Sigebert. in Chron. Otto Frising. Matth. Vossius, Annal. Holl. l. 1. p. 7.